أداة تقييم فرق العمل – فهم أداء الفريق وتطويره خطوة بخطوة

ما هي الأداة؟

أداة تقييم وتطوير فرق العمل هي أداة تفاعلية بسيطة بتشتغل مباشرة من المتصفح، وهدفها تساعدك تفهم وضع فريقك الحقيقي بشكل واضح وسهل. الأداة بتقيّم أداء الفريق من خلال 12 عنصر أساسي مهمين لأي فريق ناجح، زي: الثقة، التواصل، الأمان النفسي، اتخاذ القرار، التعاون، والمرونة. بدل الكلام النظري، الأداة بتحوّل كل ده لنتائج مرئية: مؤشرات، رسوم، ونِسَب توضح فين الفريق قوي وفين محتاج شغل أكتر.
مناسبة لجلسات الكوتشينج، ورش العمل، وتطوير القيادات.

إزاي تستخدم الأداة؟

وضع الفريق: حرّك المؤشرات من 0 لـ 10 حسب الواقع الفعلي للفريق، بدون تجميل أو مثالية.

عرض النتائج: انتقل لوضع الكوتش علشان تشوف التقييم العام للفريق بشكل بصري وواضح.

فهم أعمق: هتعرف نقاط القوة، أماكن الخطر، والسلوكيات اللي محتاجة تعديل، مع اقتراحات عملية للتطوير.

تقرير جاهز: تقدر تطلع تقرير PDF تستخدمه في الاجتماعات أو جلسات المتابعة.

محور اتخاذ القرار والتوافق ليه وزن أكبر لأنه أكتر عنصر بيأثر على أداء الفريق ككل.